Hæ.
Það er langt-langt síðan að ég bloggaði síðast. Ég ætla að reyna að byrja á þessu aftur að fullu. Það er ágætt að hafa Berglindi til að reka á eftir manni og skamma mann.

Það kviknaði í Fröken Reykjavík í dag, sem er lítil sjoppa sem selur til dæmis fjórhjólaferðir, frænka mín og maður hennar eiga hana. En sem sagt þá breiddi eldurinn úr sér og fór bæði í Kaffi Óperuna og Kebab-húsið en mest af öllu í Pravda og er húsið bara gjörsamlega ónýtt! Ég var nefnilega föst niðrí bæ og sjá þetta allt (næstum því).
Ég er orðin svo þreytt á skólanum. Ég vil komast í sumarfrí. Ég vitna í Sigga Palla til að sýna fram á áhuga minn í skólanum. ,,Eva, skrifaðu upp stílinn! Annars verður þú ekki til friðs!". Það eru bara 3 próf, 1 fyrirlestur og 1 munnlegt próf eftir á 2 og hálfri viku og svo eru það vorprófin. Sem eru 11... En það verður svo þess virði að klára þau þegar ég verð á Spáni í 2 mánuði ;D

Æ er þetta ekki orðið gott í dag? Jújú.
Bæ...